ارجعيلي.. قولي إنك جايه تاني

قولي واوعي تخوفيني
الحياة صعبة قوي 
والفراق مُر قوي
والقلب اللي عايش في العذاب 
بينادي لك ترجعيلي .. ارجعيلي
===================================
ياما ناس حبيناهم
وفي دقيقة يروحوا منَّا
واسمع في أحلامي نداهم
رغم إن الكون ده كونا
رايحه مني فين وناسية
وانتِ عارفه بإن أشواقي وحنيني 
من غيرك إنتِ تبقي قاسيه
قولي واوعي تخوفيني
قولي إنك جايه تاني
القلب اللي عايش في العذاب 
بينادي لك ترجعيلي..ارجعيلي
====================================
سكة الشوق الطويله
مين هايمشيها معايه؟
ضحكة العمر الجميله
مين هايضحكها معايه ؟
وفرحتك لما اشوفك 
لابسه ثوب الفرح الابيض
قلت يمكن ترجعي لي
وتقولي لي إنك إنتي جايه تاني
والقلب اللي عايش في العذاب
بينادي لك ترجعيلي.. ارجعيلي
ارجعيلي.. ارجعيلي.. ارجعيلي
====================================
ارجعيلي
اللي شَرَّق واللي غَرَّب
جاي تاني
وانتي مش ناوية تناديني
نادي قلبي بأعلى صوتك
قولي إنك جايه تاني
قولي واوعي تخوفيني
الحياة صعبة قوي 
والفراق مر قوي
والقلب اللي عايش في العذاب 
بينادي لك ترجعيلي 
وتقولي لي إنك إنتي جايه تاني
ارجعيلي.. ارجعيلي.. ارجعيلي