دخلت كتاب
الحواديت
اقرا حكايه
انبسط انا بيها
قريت حكايه
بطل زهقان
وطافح الكوته
قفلت الكتاب
وقلت حكايته
كل يوم عايش
انا فيها
ايه الفايده
امقق عينيه
انا عارف بلاويها
فتحت الف ليله وليله
عجبتني حكاويها
ولعت السيجاره
وعشت انا فيها
ركبت بساطها
وسابقت عفريتها
جنبي سندبدها
نجري في حواريها
وشفت شهرزاد
وبستنها وجواريها
والساحره وبلورتها
اللي بتبص فيها
وهربت قبل ماتسحرني
ملقيش وصفه
تفك الاعيبها
واضيع انا فيها
غلب عينيه النعاس
حسيت اني في بستان
قاعد في ضل شجره
فجأه اتكلمت
صرخت انا فيها
قالت خفت
فهمت لغتها
بالعافيه
قالت انا شجره الندم
ايه اللي جابك يابجم
تنام تحتيها
قولتها غريب وتايه
قالت جربت الندم
قولت يعني ايه ندم
قالت ياأنسي
عادتك النسيان
بس عاده
ساعات تبقي مطلوبه
اصل لو ماعرفتش الندم
ممكن تبقي عدم
قولتلها منين بيجي الندم
قالت من الغلط او الطيبه
قلت حاجه عجيبه
الندم من الغلط عارفينه
لاكن ندم من الطيبه
بصراحه دي جديده
ياأنسي تعمل معروف
يترد ليك متلوف
وتندم وتقول هتوب
عن الطيب
لاكن ماطول قلبك طيب
وبتنسي مابتتعلم
هتعمل المعروف
بدل المره الوف
نصيحه ياأنسي مني
هات ودنك قريب
متتعلمش الندم
وماتندمشي
علي الطيب
صحيت علي بنتي
بتهزني بقوه
يابابا اصحي
متنامشي
انا بقي همشي
علي مدرستي
وانت بقي
ع الشغل اقوم امشي