منين بيودى لفين 
تايه بيسأل تايهين
إنتو معاكو العنوان 
وللا عللا وماشيين 
محدش منكم عارف 
إحنا بقينا على مشارف 
قربنا من المكان
وللا نسيتوا العناوين
عمرى بيجرى وانا صابر 
بصراحه معنتش قادر 
هقعد هنا وارتاح
لما اعرف وصلتوا لفين
أنا قلتلكو من الأول 
أنا كنت هنا عمنول
كانت ساعة صبحيه 
لكن من ست سنين
الشارع ده كان زحمه
وقعدنا هنا وارتاحنا 
قبل متطلع روحنا
معقوله مش فاكرين
ياسلااااام كانت أيام 
وناس ترطم بكلام 
بصراحه مكنتش فاهم
ولا هما كمان فاهمين
كلام مكتوب ع السطر
ناس فينا ركبوا القطر
وناس زى ماراحوا راجعين 
جايين معاهم لفه 
واحد فتحها وشافها 
وقال ياخوانا عارفها
دولا خفى حنين
منين بيودى لفين