حاسس إنك متوتر 
دقات القلب بتكتر
ليالى كتير متنامشى
عقلك مشغول بتفكر
هاتلى حالا والساعه
رسم لقلبك وإشاعه
متغيبش عليه كتير
نص دقيقه مش أكتر 
نعمل عليه فحوصات 
ونشوف عدد الدقات
عينه بعد متاكل
وعينه قبل متفطر
واطلع على مركز زيكو
إعمللى أشعه إيكو
نشوف إيه اللى بيجرى
يللا بسرعه واتشطر
والتحليل اللى عملتو 
هنشوف رأى الكنصولتو
ندرس نفحص ونحلل
نكتب تقرير ونسطر 
إقرا يللا وشوف 
بسرعه اعمل معروف
طمنى الله يخليك
إشرحلى يللا وعبر
إستنى عليا اما افهم
حاجه تخوف وبتوهم 
مش هقدر اقول مش هقدر
 خايف وللا مش شايف 
حاجه بتحصل مش عارف 
فزوره وحذر فزر
كل فحوصات القلب 
بتقول انك بتحب
حد دخل جواك 
وجاى على هواك
هوا اللى خلاك
متوتر