إتمسـكنت لمـا إطمنـت
إنهـا مـن قلبـى  إتمكـنت
آه لما برموشها يابوى نشنـت
مقـدرتش اقاوم ولا احـوشها
 ولا أهـرب من سهـام جيوشـها
ولمـا وقعـت ف غـرامها
ف عـذاب قلـبى  إتفننت
البنت عناديه يابوى بحالات
دلـع وشقـاوه  وإشتغـالات
وساعات بحس من شقاوتها
ان البنت  إتجننت
سحبتنى من قلبى وعذبتنى
وف بحور هـواها  دوختنـى
ولمـا حست بحــبى
ساقـت التقــل  وترهبنت
ولما بعـدت عنها
 بعتت جيوش غرامها
انا قلت خدت الدرس وتعلمت
ووقعت ف غـرامى  واستسلمت
أتاريها راجعه بعد م إتحصنت
وتأكـدت  وإطمنت
انهـا مـن قلبـى إتمكـنت
وخطفـت نبضـى  العناديه
لا صالحتـنى ولا إتحننـت