نامى واحلمى بيا
كنسمه صيف معديه
بتتمايل مابين الورد والمايه
فى نومك تشبهى لملاك
وانا ع الشط باستناك
اناجيكى فى احلامى كمان القاك
وباتمنى ان حلمى يطول
ابوس قلبك لو عنى كان مشغول
انا العاشق فى احلامك لكن معزول
اهيم فى الحلم وياكى كما المخبول
يانايمه قومى صحى النوم
انا ف حلمك عاشق مرسوم
تايه عقلى فى وسط غيوم
انا محتاج لااحلامك لاانى م الهوى محروم
يانايمه فى وسط بستانك
انا رايدك انا محتاج لحنانك
انا المجهول انا الملهم لااحلامك
انا الفرحه اللى راح تمسح لااحزانك
انا السهران نسيت النوم علشانك
انا الحب اللى راح يسكن فى وجدانك
انا الحيران ومرسايا هو عنوانك
انا الطير اللى عشه مابين اغصانك
انا الرسام بريشتى رسمت الوانك
انا السائح وباتجول فى اركانك
انا المخلص لاعمره غدر ولا خانك
انا حلمك وانا اللى سكنت اوطانك