كان عندى صاحب
حقيقى كان خليل
يازين ماتصاحب
جمعتنا صدفة
مااجملها المنحة
لما الصدفة تتماسك
القلوب منعنعة
والارواح ملعلعة
والشباب حلو متواكب
والنية سالكة
والغل عاجز
ماهو قادر يتقارب
والمصروف على قده
مش كدى ولا من كده
يخلص مانتحاسب
لغاية كدة وبعد كدة
حد يقول على التانى
ما كانش مناسب
نده القدر ابو العبر
لاجل يفرق الاجر
ويغير الحال والمراتب
الما انهال كده
من غير مكيال
من حلال زكايب
والتانى انستر
وعمره ماانزمر
والعوض فى المناقب
وزن شيطان
دوى فى الودان
وازمان كان كاتب
ياترى ايه اتغير
الاحال صار يحير
لعن الله المناصب
ويغور المال
لو كان المءال
فراق وبعد الحبايب
تزعل ماتزعل
تسال ماتسال
ربك الى محاسب
سبحان المغير
عمره مايتغير
لاتسال عن السبب
قال اخلص السريرة
واقعد على حصيرة
واجنى المكاسب
دا كله زايل
ولو كان هوايل
مايبقى لك غير عملك مصاحب
