اخدتيه تسدي بيه خانه
ونسيتي إن إنتي في الحانه
وسكرك مش مخليكي
تحسي إن إنتي فرحانه
بعتي ب الرخيص نفسك
ولما الخمره مفعولها
راح وبقيتي وعيانه
بتقولي ياريتني ما أمنته
ياريتني فضلت وحدانه
ضحيٰ بحب حياته عشانك
وزي ما باعها أكيد هيبيعك
أصل الغدر بيجري في دمه
ومهما الحاجه عليه تكون
غاليه بيبيع ما يهمه
شابط فيكِ زي العيل
لو شاف لعبه ودخلت راسه
عينه عليها ونفسه يجيبها
وآه لو يزهق في أقرب
فرصه يا ناس يكسرها
أصله الحيله لبابا وماما
وعارف إنه لما هيُطلُب
هايجيله غيرها
وإوعي تقولِ إنه ده حبك
حبك شكلك حبك جسمك
وكل المشكلة إنك حلوه
أو يمكن شايفك إنك حلوه
ومنه قريبه وعايشه لوحدك
لكن مش طايلك
ووالله أنا خايف أطلع صح
في كل كلامي وتندبي حظك
بعد ربيع العمر مايدبل
وتقولِ آه آه لو بيا سفينتي تدور
وترجع بيا لمرسيٰ جراحي
عمري في لحظة ماكنت هفكر
إني أقرر أخلع توبي وألبس
وش يا ناس مش وشي
آه من خيبتي لما وافقت
أسلم نفسي لواحد خاين
سُمه في عسله كان متداري
لكن لكتير من ناس كان باين
آه من خيبتي ياخلق غيتوني
ده أنا والله يوماتي بتعذب
وروحي تسيبني لكن مابمُتشِ
ياللي فارقت بجد واحشني
ولا ثانيه في ليالي وجودك
بُص يا غالي وشوف من بعدك
إيه اللي جرالي بُص يا غالي
‏وشوف أحوالي ‏
بجد يا غالي ‏أنا ليك بتأسف
‏إن أنا خنتك ‏كل وعودك