وبعد حبي ياقآسي رآحت فين الحنيه
هان عليك تعذبني وتظلم قلبي وتعلمه الأسيه
روح لحالك ومش هصالحك وبلآش عتآب 
ومش هسامحك أو هعاتبك يوم ع الغياب
كفآيه عليا ليالي طويله عانيت السهر في حبك 
وانت تأسي عليا وتعذبني بقسوة قلبك
حرام عليك وحياة عينيك أحبك وأعاني هجرك 
...............................................
گآن قربك هو الأمل وفضلت سنين بأتمناه
ولما حبيتك الحب كله صبرت سنين استناه
وبعد ماهويتك وعشقتك بُعدك ياغالي بكاني 
ومين يروحلك ويقولك ويحكيلك عن حالي
اتمنيتك ترحم قلبي وتمسح دمعي وافرح بيك 
ولما يزور قلبك حبي وتحس بيا اجري ملهوف عليك
واعمل ايه في قلبي هو اللي حبك ودق دقاته لهواك
وسكنت روحي غصب عني ولقيت نفسي ماقدرش انساك 
................................................
وگان املي تحبني يآحبيبي زي ماحبيتك 
وتقرب المسافات اللي بتبعد بيني وبينك
ونعيش الحب كله وننسي هجرنا وخصامنا
وننسي العذاب ونتهني بليالينا وايامنا 
وظلمتني وعانيت كتير في ليالي ظلمك
وياما حلمت بيك وسهرني جفاك وبُعدك 
ورغم عذابي كنت اتمني انول رضاك وقربك 
واحلم بيك تعوضني عن ايام وليالي صدك
................................................
وگان قلبي بيناديك ليلاتي ويقولك كفآيه هجر وويل 
بُعدك يآحبيبي عذبني وسهر عيني طول الليل 
وافضل الليل كله في مراسيل أكتبلك
وعن اشواقي واحوالي اوصفلك واقولك واشكيلك عن نار معذباني سنين
واتمني قربك ونظره منك تنسي قلبي الأنين 
................................................
ياريتك يآحبيبي ترضي عليا ونتهني زي زمان
وننسي الأسيه والحرمان ونشرب من بحر الحنان
وتّْصَحِي اشواقي وأشواقك وتحلواْ أيامي بأيامك 
وياخدنا الحب والهوي لأحلآمي وأحلامك
................................................
قربك اماني يآحبيبي مهما طال إنتظاري
ولو قلبك هينساني هافكره بليالي غرامي
والفرح اللي عشناه قبل ماتروح وتبقي بعيد
كفايه هجر وضنا وتعالي نخلي كل يوم من أيامنا عيد
ويفضل حبي وحبك فرحته كل يوم فرحة عُمر جديد
ونعيش سوا ليالي العُمر مليانه فرح وهنا 
ومهما ظلمتنا الليالي الحب هينسينا همنا