بالعين شايفين أيوه وسامعين
عايشين وسطينا كتير ملاعين 
الله بيعين ع الطماعين 
لجل الغلابه الموجوعين
أبو قلب محاجر والفاجر
وفقوت الشعب بيتاجر
وواكل كمان حق الغلبان
يرتاح وينام ويسيبو تعبان
ومعاه سوا .. يياع هوا
نصاب كبير على مستوى
بيبيع الدار لتلات تنفار 
وفثانيه تشوفو تلقاه طار
من فضلكم قولوا كلكم
لكل طماع منكم
ياللى جمع بطل طمع
يمكن يشوف أو يستمع
واللا فسماه لو كان شقاه 
ولا كنا نقول .. منك لله
حيوا المكافح والناجح
الرزق حلال عقلو راجح
أما الحرامى دا مرامى
عايش ع العمل الإجرامى
بالعين شايفين أيوه وسامعين
عايشين وسطينا كتير ملاعين 
الله بيعين ع الطماعين 
لجل الغلابه الموجوعين