السلام عليكم جبتلكم النهارده طريقه عمل البيتزا وادعوا لى لانها ان شاء الله تعجبكم لانها سهله جدا

المقادير

2 كوب ونص دقيق

3 ملعقه صغيره خميره بيره

ملعقه صغيره ملح , ملعقه صغيره سكر

تلات اربع كوب ميه دافئه

3 ملاعق كبيره لبن بورده      4 ملاعق  كبيره زيت ذره او زيت زيتون

بياض بيضه فى درجه حراره الغرفه

الطريقه

هاتى الخميره حطى عليها معلقه السكر اخلطيها جيدا لحد الخميره ما تتدوب . حطى عليها تلات اربع كوب الميه الدافيه وسبيها فتره ربع ساعه فى مكان دافى

هاتى الدقيق حطى عليه معلقه ملح ومعلقه سكر ولبن البودره قلبيهم كويس

حطى الزيت قلبيه فى الدقيق كويس اوى لحد ما يخلط الدقيق كله بالزيت

حطى بياض البيضه واعجنى كويس هاتى الخميره بقت ماخمرت وقلبيها مع العجين لو العجينه لزقت فى ايدك حطى دقيق مش كتير يعنى شويه صغيرين لحد ما العجينه تبقى لينه وبتتطلع من ايدك مش بتلزق فيها. سبيها تخمر فى مكان دافى واحسن حاجه تبقى مدفيه الفرن ومطفى طبعا وتسيبى العجين يخمر نص ساعه على الاقل.

جهزى الحشوه والصلصه

عمل الصلصه. هاتى 2 حبه طماطم حطيهم فى حله مثلا حطى عليهم شويه ميه واسلقيهم على النار لحد ماتحسى الطماطم بدات قشرتها تتطلع منها دى اسمها طماطم كوكنكاسيه. بعدها خدى الطماطم واعصريها بايدك كويس اوى او بمعصره الطماطم. وبعدين هاتى فصين توم وقليل من الزيت كانك هتسبكى بالظبط حطى التوم على الزيت لحد ما يحمروانزلى عليهم بالطماطم لحد ماتبقى صلصه . اما بالنسبه لحشوه البيتزا حطى اى حاجه تحبيها فلفل الوان مقطع طماطم بس تشيلى قلبها زيتون بواقى فراخ او لحمه مشروم جنبه رومى المهم قبل ما تحطى الحشوه تتبليها كويس بملح وشويه نعناع جاف روزمارى لو عندك زعتر بهارات وبعدين تشوفى العجينه تفرديها بالنشابه او بايدك على شكل الصينيه اللى هتعملى فيها لو مش عندك صنيه بيتزا ممكن تفرديها على ظهر الصنيه بعد ماتتدهنيها بشويه زيت علشان ماتلزقش

بعد ما حطيتى البيتزا وفردتيها ادهنى وش البيتزا بشويه زيت بايدك علشان ماتحطيش كتير افردى الصلصه والحشوه وسيبى البيتزا شويه تقريبا 10 دقايق قبل ما تتدخل الفرن اللى انت مسخناه كويس اوى وتتدخل البيتزا على درجه حراره 200 لمده نص ساعه على حسب الفرن عندك وكل شويه تتابعيها لحد ماتحسى انه العجينه استوت عن طريق السكينه اعرزى سكينه فى العجينه وهتلاقى الوش بدا يحمر وبالهنا والشفا وان شاء الله هتعجبكم جدا لانى جربتها