( اللحظة الأخيرة ) ( غنوة )
كانت اللحظة الأخيرة
لما ودعنى بسلام
لما نور الصبح غمض
رافض يدمّع آلام
والوجع مالي العيون
خايفة تصرخ بالكلام
*******
نظرة وكلمة وسلام
وانتهى بيننا الكلام
*******
والحياة وقفت مكانها
والطريق أصبح ظلام
ليه خدتني الدنيا منه
ليه حبيبي راح قوام
كان معايا الكون بحاله
كنت باملك الأحلام
*******
نظرة وكلمة وسلام
وانتهى بيننا الكلام
*******
لسة باشتاق نظرة منه
لسة طيفه كان حاضني
لسة روحه ساكنة روحي
لسة قلبه واخدني منى
بس غصب عنى هاسكت
وهاكتم الشوق والغرام
********
نظرة وكلمة وسلام
وانتهى بيننا الكلام
********
ليه حكمت بالفراق
ليه قتلت الاشتياق
كان باين فيك المحبة
ليه بقيت قصتنا كدبة
وكل شيء كان بيننا ضاع
والوداع اصبح خصام
********
نظرة وكلمة وسلام
وانتهى بيننا الكلام
********
مش هاقولك تاني إرجع
مش هاقول عليك " بدمّع "
خايفة القى نفسي باغرق
واجي عندك اعتذرلك
القى ردك " مش هتفرق "
والرجوع اصبح حرام
********
نظرة وكلمة وسلام
وانتهى بيننا الكلام
********
واتقابلنا بعد فترة
مر طيفه بقلبي صدفة
قلت هيقابلني بكرة
عدى بكرة وبعد بكرة
واتصدمت من المفاجأة
اتاري طيفه كان منام
*********
نظرة وكلمة وسلام
وانتهى بيننا الكلام
*********
( نسمة سعيد )
