لسة الصورة مش باينة ..

ناقصها عيون ..

ناقصها رموش ..

ناقصها قلب ..

ناقصها روح تانية ..

لسة الصورة مش باينة ..

دايمآ غريبة ..

دايمآ وحيدة ..

دايمآ بعيدة عن الدنيا ..

لسة الصورة مش باينة ..

كوابيس أحلام ..

بتبان فى منام ..

ويتقال كلام ..

ويتسمع كلام ..

ولسة الصورة مش باينة ..

قالوا مغرورة ..

لا دى عصفورة جريحة ..

من الحزن مكسورة ..

قالوا عنها للعهود خاينة ..

لسة الصورة مش باينة ..

قالوا جميلة ..

دى بنات ناس ونبيلة ..

صاحبة العيون الكحيلة ..

والرموش غزيرة طويلة ..

لسة الصورة مش باينة ..

قالوا عنها غريبة ..

قالوا عنها قريبة ..

عاشقة وللعشق حبيبة ..

لسة الصورة مش باينة ..

#بقلمى نسمة سعيد