نقطة عسل ...

متعلقة على شفة الشمس لما طلت 

وردة حمرا ع الخد الشمال بتبوس

 قلبي .... ورقة بيضة متسطرة

وقلم ألوان من ضحكة عيونك

  على سطر الحنان بيدوس

رسم نجمة وحرفين محبة 

شعاعك الغادر ..

سهم نافد 

و مش راح يستخبه

حب نابت

 بطعم الحنين مغموس

وآه يا قلبي اللي مني

يا كل حاجة مالكة عمرى

 مالكة روحي مالكة  سني

ومهما طال البعد عني

لما طلت شمس عينك

فجأة رق القلب مني

عصرت شهدك  جوة روحي

فاض حنينك  راح يغني

فتحت عيني سمعت لحنك

شميت عبيرك  والقلب رهنك 

ولما جيت  أحضن أماني

قال أماني خليك مكانك

مش بأيدي  ...  غصب عني

لو ضمة واحدة جوة روحي

راح تدوب وألقاني وحدي

كفاية اشوفك قرب مني

وعهد مني

كل يوم تشرق في عيني

مؤكد هتلاقيني

وردة بيضة بين إيديك

وهسلم عليك

وعلى شفة حنيني

نقطة عسل.

خالد العطار

  • Currently 0/5 Stars.
  • 1 2 3 4 5
0 تصويتات / 12 مشاهدة
نشرت فى 19 ديسمبر 2017 بواسطة nasamat7elfouad

عدد زيارات الموقع

43,635