لما يتوقف عداد النبض في الساعة

 وقلبي اللي كان بيعد دقاته بالساعة ..

عشان خاطرك ...

 يلملم ساعات الحلم  

ويكمل طريق اشواقه

  ولو مش باقي في العمر غير ساعة

ولو ماتت جواك أحلامي  وانا مباعد

انا راجع اقول أشعاري ونتواعد

نعيد كلام الصمت من تاني

ورمش عنيك يتمتم بتعويذة

فجأة ألاقي عنيك محاوطاني

وتأسرني شفايف بحرك الدافئ

بكام موجة 

تضرب صخور البعد تمحيها

تدوب خطاوي الآهة .تدفيها

فجأة ألاقي النبض جوايا .مدفيها

وقلبي وحبي وهوايا اللي داب فيها

مكفيها

استغرب عن قلبي اللي مات فجأة

ونبضي اللي نط من ضلعي وراح ليها

وحاجات كتير بيقولوا مش فارئة ( فارقة )

تحاوطني بشباك ايدها  

وبسمة تنور قلبي يوم عيدها

وتقولي حرام تصدق موت قلبك

وانا وربك اللي خلق الخلق في التو والساعة

يحييني قلبك لآخر العمر ولو ساعة

خالد العطار