………………………… اهلا رمضان………………………
بعد انتظار مع لهفة وشوق
رجعت تاني يارمضان
رجعت برضو وفيه ناس فوق
وخلق نايمة علي الرصفان
……………………………
رجعت والغني لسة حسود
علي الفقير لا سأل ولا طل
وناسي انه حياكله الدود
ولعنتك فوق راسه تهل
…………………………
رجعتواحنا بنمدح فيك
ونقول عليك شهر الحسنات
غيرنا فيك اجمل معانيك
وأكلنا فيك أغلا الوجبات
……………………………
ونسينا ان فيه فقرا
لهم علينا حق ودين
حيطلبوه مننا بكرة
في يوم حساب رب العالمين
………………………………
اللي امرنا ان احنا نصوم
عن المعاصي والشهوات
علشان لما نقابله ف يوم
نلقي في كتابنا حسنات
……………………………
نتمني تيجي ان شاء الله
والمسلمين بقوا ايد واحدة
والكل يتذكر مولاه
تبقي عبادتنا علينا شاهدة
……………………………
وتيجي والقدس ف ايدنا
متحررة من كل دخيل
والمولي يقبل عباداتنا
وفجر بكرة يزيل الليل
……………………………… جمال الشاعر
