ا نخلة يا طيبة
-----------------؛
يا نخلة يا طيبة
م الحزن دموعى قريبة
يا نخلة يام السلاية
وعيون حبيبى بسلاية
يا نخلة ع الخوص بلحاتك
بيغنى ويحلف ب حياتك
يا نخلة لو ريح بيهزك
مايهونش عليكى اللى يعزك
يا نخلة بالطوب حدفوكى
ولاعمره قال العيبة فوكى
يا نخلة ولما طاب تمرك
حسدوكى واحتاروا ف امرك
يا نخلة يام التوب لاخضر
لجل عيونه والشوق لاحضر
يا نخلة وعالية شواشيكى
جمارك عسله ف حواشيكى
يا نخلة و بلحك سمانى
لاطلع له فوق السما انى
يا نخلة و رطبك حيانى
وعشانه افوت الحى انى
يا نخلة و بلحك امهاته
ياعمرى لو ف السما هاته
يا نخلة ونزلت دمعاتك
وجريدك قايد شمعاتك
يا نخلة وطابت عناقيدك
من خيرك بتمدى إيدك
يا نخلة و عاشق ب ناياته
من شوقه يغنى ب نياته
---------؛
بقلم / عادل شعبان