رمضان

مااحلاك مااحلاك يارمضان
مااحلاك مااحلاك والله مااحلاك

هنصفالك ونصفى معاك
ياشهر النور والخير جواك

بنعد ايام وليالى فى هواك
ونجدد عهدنا وياك

ياشهر الهمه مااحلاها اللمة
فى فطورك والله يارمضان

بتيجى بفرحة وتعم البهجة
يااحلى الازمان

تقوى الصحة وتحلى الصحبة
وحكاوى زمان

فطارك يجى مع الاذان
وسحورك عفو من الرحمن

مااحلاك مااحلاك ماحلاك
ماحلاك مااحلاك يارمضان

نسهر ليالينا متجمعين
ونقوم الليل مسبحين

فى صلاة وعبادة لرب الناس
فى خشوع وعفة ودموع العين

بهدى النبى مصدقين
وفى عفو الله احنا واثقين

ماحلاك مااحلاك يارمضان

البشرفيك يبقوا ملايكه
والشياطين رايحين فى حديد

والاخلاق ناعمة ورايقة
بقدومك يبدا عهد جديد

الجنة بنشوفها بعنينا
والنارعنا تبقى بعيد

بتتمحى فيك كل الذنوب
والحسنات بتزيد وتزيد

لياليك الحلوة تخلينا
فى فرحة وبسمة والكل سعيد

والبهجة تيجى تعم علينا
وبعدك  احلى واجمل عيد

المصدر: الشاعر محمد صبحى الشربينى ابن النيل
  • Currently 0/5 Stars.
  • 1 2 3 4 5
0 تصويتات / 77 مشاهدة
نشرت فى 1 يوليو 2016 بواسطة mohammedsobhy

عدد زيارات الموقع

387