قرص العجوة من منولا

اولا الطريقه انا طبقتها لطريقه منى عامر
وعجبتنى كتيروحلوة
وان شاء الله تعملوا الطريقه دى
لانها بجد بتديكى قرص لذيذه

المقادير

1كيلو دقيق
400جم زبدة صفراء

100جم زبدة جاموسى 2
ملعقة سمسم

1ملعقة خميرة بيرة
1ملعقة محلب
1\2كيلو عجوة مفرومة
1ملعقة سكر

الطريقة:

(طريقة العجوة)
-نضع ملعقتين زبدة فى طاسة ثم السمسم

ونحمرة شوية ثم نضع العجوة

ونضع عليهم شوية ماء ساخن (علشان متنشفش)
(طريقة القرص)
-نضع مكيال ماء فاتر ثم نضع ملعقة السكر والخميرة
وتقلب وتترك جانبا فى مكان مظلم.
-نسيح الزبدة مع بعضها(الصفراء والجاموسى)
-نضع الدقيق فى اناء ثم المحلب ثم نضع الزبدة السايحة

ونقلب جيدا ونسيبها تبرد شوية ونضع الخميرة ثم نعجن شوية شوية.
وبعد ماعجناها وهى سخنه كده العجينه يعنى قبل مانتركها تخمر
نمسك قطعة عجينة ونضع بها قطعة عجوة ونقفلها ونبططهاونتركها تحمر

بعدين نشقها
من النصف بالسكينة
-ندخلها الفرن على نار متوسطة لمدة 40 دقيقة.
وبالف هنا
واليكم بعض الصور منها من عمل ايدى
اولا القرص اللى بالعجوة








و دى بعد ماعجناها وهى سخنه كده العجينه
يعنى قبل مانتركها تخمر

نبططها ونفرغها بعمل تجويف بها


نمسك قطعة عجينة و نعملها هكذا
تجويف بها

نضع بها قطعة عجوة


ووبعد ما وضعنا بها قطعة عجوة نقفلها هكذا


وتكون بالشكل ده نعمل المقدار كله هكذا
ونتركها تخمر وترفع
بعدين نشقها
من النصف بالسكينة
-ندخلها الفرن على نار متوسطة لمدة 40 دقيقة.
وده شكلها بالنهايه

وبالهنا والشفا
منولا