الحب كلمة

لما كان الحب كلمه
قلت يالا نبتديها
كل كلمه واللى بينا
كلمه ليها معانيها
فجاه وقعت من حروفها
المعانى الحلوه فيها
ولما حاولو يرجعوها
لخبطو حروفها
جيت اقولها 
مالقتيش نفسى فيها
رجعو قالوا الحب لعبه 
والمهاره لو هتلعب
على المشاعر وداريها
ولما تبقى العبه ماسخه
راح تلاقى لعبه تانيه
عد معايا ارمى واكسر
ايه هتخسر
ولما يجى فيها حظك 
ابقى حاول تشتريها
راحوا قالو الحب شهوه
ولما تبقى ليها تهوى
من بحورها تبقى تشرب
قلت مالى رغبه فيها
لو سبقنى حد ليها
يبقى ما فى طعم فيها
حطيت الاحزان بقلبى
صبيت الدموع مأسى
ولسه ياما راح نقاسى
اصل احنا
اللى صنعنا المبادىء
وبسكواتنا بعنا روحنا
بعنا حتى الحب بينا
حتى دينا ما افتكرنا
ان بكره دين علينا

تحياتي
عماد عبدالله