مجلة عشـــاق الشعـــر الإلكترونية (ممدوح حنفي)
ايه فكرك بيا
ورجعت ليه تانى مش كنا متفقين أنساك وتنسانى
مش كنا متعهدين ماحدش فينا فى يوم يحن للتانى
رجعت ليه تانى راجع تفكرنى تانى بأحزانى مش هسمعك
مش هسمعك ولا أسمعك كلمه حبيبى ياللى غرورك ضيعك وما انتاش حبيبى ده انا كنت عايش عمرى ليك ده انا كنت عاشق لون عنيك
ده انا بعت كل الدنيا علشان أشتريك بس الحقيقه وللأسف أنخدعت يا عمرى فيك
عارفك حبيبى من زمان زى القمر بس انت قلبك غير قلوب كل البشر قلبك حجر
حتى الحجر قدام أسوتك ينكسر أيه فكرك بيا
ما أنا كنت ناسيك راجع تفرحنى ولا تواسينى كفياك جراح ده العمر راح ولا عدش قلبى ينتظر منك صباح كان مالى بيك و أيه رجعك
راجع تصحى الذكريات ولا انت نادم ع اللى فات
أبعد حبيبى من سكات حرام عليك أصل الحقيقه وللأسف أنى أتخدعت يا عمرى فيك.
تحيات شاعر الاحزان يحيى زكريا
ساحة النقاش