مجلة عشـــاق الشعـــر الإلكترونية (ممدوح حنفي)
مستني الرد
****
عارف إن الغربة عذاب
بس استني عليا شويه
بكره يجيلك مني جواب
انا مش هطلب منك تنسي
انا هتكلم ع الاسباب
يمكن بعد شويه تسمحي
تقبلي مني أي عتاب
وان بُعادي غصبٍ عني
وإن أنا صادق مش كذاب
فاكره لما كنا بنحلم
كنت انا بحسب.......
إن الحلم هيبقي حقيقه
كنا شباب احلامنا بريئه
كانوا يقولوا عليا الفارس
ما انا متعلم وابن مدارس
ياما حكيت عن عبله وعنتر
مره بجد ومره اتمنظر
واعمل مره قاضي مجالس
صاحب همه وكلمه جريئه
واللي .... انا ..... عايزه
يجيلي ..... ف ...... ثانيه
ولما كبرت وشفت الدنيا
فجاءه لاقتني .........
وقعت ..... ف .... ديقه
قلت اسافر يمكن أغيّر
انا مش هفضل بردو صغير
قمت عملت جواز وسافرت
فجاءه لاقتني يا ستي كبرت
اتعذبت انا واستحملت
قلت هلف الدنيا عشانك
من أمريكا لحد الهند
مره رِفعت ومره تخنت
ومره بِردت ومره سخِنت
ومره قاعدت مكان الباشا
ومره رموني علي الاسفلت
أيوه يا ستي انا ادبهدلت
غبت ..... عليكي ..........
كده .... كم ..... سنه
شعري ابيض وظهري انحنى
كل بلاد الدنيا مشيت
نفسي أأسس أسره وبيت
وانا مستني الرد يجيلي
عندي يقين احساسي دليلي
عندك نية تاني تسمحي
خايف لما تشوفي ملامحي
لوني زي ما هو قمحي
خايف هجرك لما تعاندي
يقتل فيا يزود جرحي
لو تتمني عليا يا روحي
يكمل سعدي ويكمل فرحي
انا مستني تردي عليا
قولي.... اتمني .... اقترحي
ارجع تاني يا روحي لبلدي
و لاّ أكمل تاني الغربه
انا مش هزعل لما تصارحي
****
بقلم / طه ابراهيم
ساحة النقاش