واقفين في طابور ...بقلم الشاعر / عصام دويدار

مجلة عشاق الشعر الإلكترونية. .ممدوح حنفي

واقفين في طابور 

ماشيين بالدور 

عايزين النور 

يجي علينا 

يا فانوس مسحور 

أحلامنا بحور 

وبنينا قصور 

عدي علينا 
....................
بتغيب الشمس
وترجع تاني 
ياحلم الامس 
إستنى ثواني 
بكرا عليك 
الدور هيدور 
وفنوسك 
هيزيد النور 
إحلم حلمك 
إفرح بيه 
إدعي لربك 
راح تلاقيه 
ليك مين غيره 
لو يرضى عليك 
هتشوف خيره 
لا فنوس سحري 
ولا حتى طابور 
ربي بيخلق 
م الضلمه النور 
وعشان عارف 
رزقي بإيده 
مش مستعجل 
على تدبيره
......................
إعمل خير 
وإرميه في البحر 
راح يرجعلك 

لو غاب دهر