مجلة عشـــاق الشعـــر الإلكترونية (ممدوح حنفي)
شايفاك سراً
.............
قُدام الناس ...
بهرب من كل مشاعر
ممكن لحظه عليا تبان
مع إن الشوق بيكون فيضان
إحساس الأم اللي وليدها
دلوقتي جعان
إنما من خوفي على هوانا
بتعمّد أهرب من نفسي
واتعمّد أهرب م الإحساس
قُدّام الناس
بتعمّد الفّ بوشي بعيد
وما ابُصش لحظه عليك جهراً
وتملّي بَبُص لكل الناس
إنما يا حبيبي بجنب العين
تقريبا كده كل دقيقتين
وياك وبَبُص عليك سراً
م انا خايفه عليك جداً جداً
وان شوفتك لحظه عليك العين
بلاقيني أردد ف معوذتين
أرقيك من شر عيون الناس
قُدّام الناس
بتجنّب أي كلام عنّك
وان صادفت حد يجيب سيرتك
بتلخبط واعيد ف كلامي
واتلخبط وأعيد من تاني
ما اعرفش الجمله بقولها ازاي
أو إيه اللي حصلُّه لساني
م انا برضه يا روح الروح بضعف
وف لحظه بعيش مع تفاصيلك
والاقيني بدون ماا اقصد حتى
الشوق اللي ف قلبي يجيلك
أسرح ف الجنّه اللي ف ليلك
وف حُضنك عز ليالي البرد
بلاقيني بجد ...
بسترجع كل دقيقه معاك
إزاي بتطمّن وانا ويّاك
وازاي بياخدني دفا الأنفاس
قُدام الناس
...........................
من ديواني
((خبيني فيك))
ريـــــــــــــــــ صلاح ــــــــــــــم
ساحة النقاش