مجلة عشـــاق الشعـــر الإلكترونية (ممدوح حنفي)
................... سلام الى امى ...........................
سلام من فوق التراب
ليكى بالتراب يا امـــــــــــــى
الرحله كانت تعب
كسر الفـــــــــــــــراق سنى
والدنيا حلم وسراب
خدك التراب منــــــــــــــــــى
سنين كتير بالوجع
مل الوجـــــــــــــــــــــع منى
وزدتى انتى الوجع
روحتى . طب استنــــــــــــى
اخد بحضنك حنان
واشكى لكــــــــــــــى همى
وتداوى وتطبطبى
وتدادى وتحــــــــــــــــــــنى
لا حبيب يداوى الم
والاخ بيهــــــــــــــــــــــــنى
والدنيا صبحت ندم
وخاب بها ظنــــــــــــــــــــى
والظن اصبح عتاب
اما العتـــــــــــــــــــــاب انى
مكسور بكل الوجع
حتى الوجـــــــــــــــع خانى
احكيلك ايه عن زمن
اللى بخون منـــــــــــــــــى
والصمت فينا انتشر
والقلب بتمنـــــــــــــــــــى
اجى لحضنك بقى
يكفى فــــــــــــــوات سنى
بعدك قلوبنا اتحجرت
واما الامانى اتبخرت
حتى الدموع اتغيرت
والدم مــــــــــــــــــش دمى
كل الكلام بتــــــــذكره
والبعد خانى ودمـــــره
والقلب فيه شئ غيره
ودوت اكمنــــــــــــــــــــــى
بضحك بدون ما افرح
ومفيش ولا مطـــرح
اروح اليه وامـــــــرح
تاه الفـــــــــــــــــــرح منى
سلام من فوق التراب
ليكى بالتراب يا امـــــــــــى
............................ احمد عامر .........................
ننوه ان كل ماينشر مسجل بالهيئات المنوطه بذلك3658/2015س م ب
ساحة النقاش