مجلة عشـــاق الشعـــر الإلكترونية (ممدوح حنفي)
فى الذكرى الرابعة عشر لوالدى الرائد /فؤاد السمادونى
((واحشنى يا والدى))
**************
يا والدى الجميل
هرد الجميل
وبدعى لرضاك
بقلبى العليل
واحشنى يا والدى
يا بحرى وارضى
واحشنى لقاك
يا والدى النبيل
واحشنى كلامك
واحشنى سكوتك
وبسمة عنيك
فى ليلنا الطويل
دا غربة شبابى
وقسوة عذابى
لطيفك بلاقى
علامة ودليل
دا روحك معايا
دى ارضى وسمايا
وكل الوصايا
بقتلى البديل
بقرب لصورتك
واكلم خيالك
الاقينى بابكى
ودمعى يسيل
يا أغلى الحبايب
يا حاضر وغايب
وبعدك مليش
طريق او سبيل
وكنت فى حياتى
مصيرى وذاتى
وكنت الجمال
فى عينى يوماتى
حكايتك معايا
قمر وف سمايا
بشوفك تملى
ما ذيك مثيل
واحشنى يا والدى
يا والدى النبيل
**********كلمات/أشرف فؤاد السمادونى
اللهم اغفر له وارحمه/اللهم آمين
ساحة النقاش