مجلة عشـــاق الشعـــر الإلكترونية (ممدوح حنفي)
شفت الموت ؟!!!
يعنى أزاى...؟
يعنى ازاى حسيت ب الموت
يعنى لمحت الشمس ب تغرب
ولا سمعت الدنيا سكوت
شفت الشمس مسافرة هناك
آخر مرة تطل عليها
نظرة عين
ولا لمحت دموع احبابك
بين الننى وبين العين
شفت العمــر معدى حزيــن
شفت ليالى القلب الصافى
وسنين الوجع الآسييّن
شفت ازاى الثانيـــة ب تفْرق
بين قلبيــــــــــــــــــــــن
ثانيــة بتخلــق قلب بينبض
ب الاحـــــــــزان
ثانيــة بتحضن قلب مهــــاجـــر
للـــــرحمـــــــــن
شفت أزاى ان الانســــان
بيــن اللحظــة وبين التــانيـــة
ممكن يضحك آخر ضحكــة
ممكن ينطـــق آخر كلمـــة
ممكن يكـــدب آخر كدبــــة
ويكــون فــى زوايا النسيـــان
قـــولــى أزاى حسيت بزمان
مـــر عليــــــــــــــــك
لما يعدى العمر قصادك
جـــــوه عنيــــــــــــك
وانت مســافــر
زمن الوحدة ال مستنـــــيك
مــد اديــــك
يمكن تمسك ايــد احبابك
يمكن تلمس ايــد احبابك
يمكن تنطق اسم احبابك
يمكن تحضن كل احبابك
يمكن تعبر اصعب لحظة
تمـــــر عليــــــك
لما تفارق أغلـــــى احبابـــــك
ومحــدش منهـــم حـــواليـــــك
.......مصطفــــى صـــــالــــــح........
ساحة النقاش