صباح الخير يا مصر
يا احلى تلات الوان ونسر
يا جنة فـ ارض ربي
فـ وسط الدنيا قصر
صباح الخير على كل شبر فـ بلدنا
صباح الخير على الكنيسة و ع المدنة
صباح الخير ع الشوارع والميادين
على اهلها الطيبيبن 
علينا احنا اجدع صعايدة وفلاحين
ع الصنايعية والجناينية والصيادين
صباح الخير ع اللي ساكنينها

وعلى اللي منها واللي عنها متغربين

صباح الخير على الاساتذة وعلى التلامذة امل السنين

يا صباح الخير ع الملايين

صباح الخير يا مصر
يا احلى تلات الوان ونسر
يا جنة فـ ارض ربي
فـ وسط الدنيا قصر

بحبك يا مصر

مع تحيات 
م/محمود الحجاوى