#حلم

 

_جيت على بالك؟

_ايوه جيت

لما جه يقطف ورُودي

من فوق خدُودي

لما جه يلمس بأيده

كف أيدي

الف بوسه فوق شفايفي 

 مزروعه ليك

مليون بحبك يا حبيبي

بقولها ليك

 

_قولي أنت.. خدت حاجه مني عايشه فيك؟

 لسه فاكر لهفتي وخوفي عليك؟ 

خدت حاجه من ذكرياتنا..

 

_بتسأليني خدت أيه منك معايا؟

طب أسمعيني واعرفي أصل الحكايه

يوم ما شُفتك.. شوفت نور

نَوْر طريقي..

شُفت أيدي فى حضن

أيدك. يومها قلت أنك نصيبي

يومها قلت أني بحبك

 واللى باقى من عمري جنبك

شُفت سنين عمري اللي فاتت جي فرحانه بلقائكِ

جي تمد لأيدكِ الف أيد

والسنين اللى جايه طارحه خير و أمان و فرحه

من هنا أصل الحكايه

من هنا كانت البدايه

 

للحلم باقيه

#ابراهيم_فرحات

  • Currently 0/5 Stars.
  • 1 2 3 4 5
0 تصويتات / 18 مشاهدة
نشرت فى 7 ديسمبر 2019 بواسطة maglamlokalharf

عدد زيارات الموقع

3,942