زمان

 

سامح إيليا

 

إفتكرت لما كنا زمان

وإحنا عيال صغيرين

 

كنا بنجري ورا بعضنا

فرحانين ومهيصين

 

أنا وأولاد خالاتي ،،،

وعيال الحاره الطيبين

 

أنا وسمير ومرڤت ،،،

ومعانا رضا بنت عم حسين

 

وكان سامي إبن خالتي

معاه محمد وأحمد وعلم الدين

 

مره نلعب عسكر وحراميه

ومره ثبت ، ومره إنت فين 

 

ياما زمان جرينا وضحكنا

وإحنا عيال موش دريانين

 

وكنا نستخبى في بيت مهجور

دلوقت البيت ده ولا قصر عابدين

 

راحت فين الأيام دي ؟؟؟

وراحت فين السنين ؟؟؟

 

الزمن جري من إيدينا ،

وبقى أغلب حبايبنا ، مرحومين

 

عايشين دلوقتي على الذكرى

وبنبكي بحرقه ،،،،، ندمانين

 

يارب ، عدينا منها على خير

يا أرحم الراحمين ، آمين ،،،

 

سامح إيليا

  • Currently 0/5 Stars.
  • 1 2 3 4 5
0 تصويتات / 90 مشاهدة
نشرت فى 24 يوليو 2019 بواسطة maglamlokalharf

عدد زيارات الموقع

14,771