عزيزتي المرأه
لازم اول ما تدخلي بيت الزوجية
زي ما بتعرفي زوجك بيحب ياكل ايه
ويحب يشرب ايه
ويحب يلبس ايه
لازم كمان تكوني عارفة زوجك بيحب في المراه ايه
الرجل يحب في المراة صفات


1 - ان تكوني له صديقة قبل الزوجة
بمعني انك دايما تستمعي له بدون المجادلة
تحتوي تفكيره وتتقبلي رايه وتحترميه
لازم زوجك يشعر معاكي بالامان 
علشان لما يحصل معاه اي حاجة
يفكر فيكي اول واحدة انه يحكيهالك
والامان دا علشان تحسسيه بيه
لازم تكوني من جواكي مقررة تكوني بالفعل صديقة
لو قالك اي خطأ ارتكبه ناقشيه فيه بدون الهجوم عليه
والا تخسري صداقته للابد

2 - ان تكوني زميلته في العمل
ايوه متستغربيش
لازم تعرفي طبيعه شغل زوجك ايه وتثقفي نفسك فيه
ودايما تتناقشي معاه عن احوال العمل ولازم يتفاجأ انك عندك معلومات
عن عمله ولازم يكون ردك منطقي لما يسالك اي حاجة تخص العمل
حتي لو جاب سيرة زميلة اخري بلاش تضايقي اسمعيه وناقشيه
لانك لما بتضايقي بتلفتي نظرة للمراه دي ان فيها شيء مميز

3 - ان تكوني امه
تكوني مصدر الحنان له والطبطبة
تكوني البلسم لاي الم ليه
تسمعي شكوته وبكائه وهو في حضنك
بدون النفور منه تدعيله وتخافي عليه

4 - تكوني زوجة وام
تهتمي بطلبات البيت وباولاده وتكوني مقتصدة في طلباتك
خليه هو يتحايل عليكي عايزة ايه اشتريه ليكي
وانتي قولي مش عايزة لحد ما يلح عليكي وابقي اطلبي
بس بلاش ترفضي كتير لحسن ما يصدق ههههههههههههه

5 - ان تكوني معشوقته
تتدلعي عليه تقولي له كلام في الحب و الغزل
ولاحظي ان المعشوقة هو الترتيب الخامس 
يعني مش رقم واحد زي تفكير المراه
وعلشان تكوني معشوقته 
بلاش تطلبي منه الحب وتصري علي انه جاف في مشاعره
خليكي انتي امراه مميزة
في اجمل حالاتك دايما لسانك ميقولش الا اجمل الكلمات
صوتك ميكونش عالي اتعلمي تقولي له الكلام اللي بيحب يسمعه

انا كدا خلصت ويمكن اللي تقرا كلامي تشوف ان المراه ليه تعمل كل دا
ليه هو ميحاولش يسعدها من البداية
دا لان ربنا خلق فينا مشاعر اكثر من الرجل
بس علشان نعيش صح
لازم نتعامل صح