<!--<!--<!--
نقابة المهن البلطجية
بقلم خالد السيد علي
شركة أفراح ودموع الشعب .. تقدم فيلم .. نقابة المهن البلطجية .. تأليف وإخراج وتمثيل.. ناس بتحب البلطجية.. تدور الأحداث حول بلطجية يبحثون عن كيان قانوني لهم بعد ثورة التحرير حتى لا يعتدي عليهم أحد..!!
مشهد 1
يقرر كبير البلطجية الهارب من السجون والمشهور علي مستوى الجمهورية أن جمع البلطجية للاعتصام أمام مجلس الوزراء بالأسلحة البيضاء والنارية وغيرها من الأسلحة المستحدثة يطالبون بالموافقة علي إقامة نقابة لهم.
مشهد2
لم يستطع أحد التقرب من البلطجية لا شرطة ولا جيش ولا حتى ثوار .. ولكن كبير البلطجية سمح لمجموعة من القنوات الفضائية أن تنقل المؤتمر البلطجي الأول حصريا مقابل مبلغ ليشرح فيه مستقبل البلطجية في البلد .
مشهد3
بدأ المؤتمر البلطجي وانهالت الأسئلة وراح كبير البلطجية يجيب:
- منين جاتلك فكرة اقامة نقابة ليكم وازاي جمعت البلطجية دول وإيه هو دول النقابة و ممكن تعرفنا أكتر الدور اللي حتقوم بيه النقابة تجاه المجتمع وما هى شروط العضوية ومزاياها بالنسبة للعضو البلطجي؟
- أنا مش عايز كتر كلام وأسئلة تافهة أنا حأقولكم إزاي الفكرة جاتلي وأنا في طرة وإزاي جمعت كل البلطجية المحترمة دي في المكان ده في اقل من اربعة وعشرين ساعة..
- (يتحدث بنبرة حادة عالية وإيماءات توعد وترهيب ) أنا شايف إن كل وسط لازماً يكونله نقابة تحمية وترعاه من غدر الزمن.. إشمعنى الفنانين والمحامين والمهندسين والمغنيين عندهم نقابات .. علي فكرة إحنا اللى بنحميهم بذمتكم في أي حد مشهور ما بيحتاجناش؟ وبعدين البلطجي من دوّل أرزقي واليوم اللي ينزل فيه شغل الله وأعلم حيرجع لبيته وعياله تاني واللا حيتيتموا.. عشان كده عملت صفحة على الفيس بوك نداء للبلطجية لعمل نقابة تحمينا . الحمد لله وصل عدد أصدقائي البلطجية على الصفحة لحوالي مليون وميت ألف.. وبعدين الناس اللي كنا شاغلين على حسهم اللي كانوا مهيأٍنا وبسطنا ومدلعنا كلهم فى طره دلوقتى عشان كده أنا وزملائي البلطجية فكرنا فى مشروع النقابة.
- ياريت حضرتك تكلمنا عن المهن اللي حتضمها النقابة؟
- حأجاوب علي حضرتك بس اسمعي منى الاول .. إحنا مش بنسمع إن الدكتور ابنه بيحب يطلع دكتور وابن المهندس ابنه بيحب يطلع مهندس وابن الفنان بيحب يطلع فنان وابن المطرب بيحب يطلع مطرب.. كلهم بيطلعوا زي أباهتهم إشمعنى إحنا...
بالنسبة للعضوية.. أولاً أن يكون العضو بلطجي أباً عن جد..ثانياً أن يكون بلطجي حسن السمعة والسلوك ثالثاً ان يكون مزاول للمهنة مدة لا تقل عن خمس سنوات على الاقل.
- وإيه هي الشعب اللي في النقابة؟
- البلطجي من دول له تخصص ولا يجوز تغيره أو ضم تخصص تاني إلا لما يرجع للنقابة واحنا بالصلاة علي النبى عندنا شعب كتيرة إحناعندنا شعبة قتل. تهديد. هجامة .موس .اوشاط. سنجه .شومه. قاطع طريق. كرباج. حرق .تشويه .شتيمه .وغيرها من الشعب..إحنا عندنا اكتر من ألفين تخصص ..
- كلمنا عن المعاشات؟
- هو ده المهم .. أمال احنا بنعمل نقابة ليه ما هو عشان المعاش.. شوف يا بيه.. أهم حاجه للحصول على معاش أن يكون العضو مسدد اشتراكاته كل سنه والاشتراك خمس تلاف اللعضو العامل وألفين للمنتسب والاهم من ده انه يكون بيسدد المعلوم عن كل عملية إجرامية بيقوم بيها ..
المهم اللي بيوصل لسن الستين ويعتزل المهنة زيي كده بياخد معاش عشر تلاف جنيه في الشهر ده للعضو العامل..والمنتسب بياخد تلت تلاف جنيه..
- افرض بقى بلطجي اتصاب وعجز عن عمل البلطجه واللا مات فى طالعه من طلعاته ياخد كام؟
- اللي بيعجز عن العمل بنديله معاش عجز خمس تلاف جنيه.. واللي ربنا بيفتكره بنديله معاش كامل.
- في نهاية نحب نسأل حضرتك إيه الافلام اللي حضرتك بتحبها؟
- ياااااااااسلام.. أحب فيلم علي بابا والاربعين حرامي.. وحرامي الورقة.. واللص والكلاب..والرجل الثاني..و حرامية في كي جي تو.... هأهأ ترابتت تو..!!
مشهد4
انتهى المؤتمر بسلام وعم الهدوء رغم استمرار اعتصام البلطجية..
مشهد5
في صباح اليوم التالي للمؤتمر نجد لا وجود للبلطجية أمام مجلس الوزراء...بينما نلاحظ عمال النظافة ينظفون الشارع من القمامة وآثار بحيرات من الدماء..
وترابتت تو..؟
النهاية
ساحة النقاش