بطلت أسأل عليكى
لكن مش نسيكى
حد ينسى قلبه
و القلب الى حبه
لكن غصب عنى
قررت ابعد لانى
مردتش اكون انانى
و اكون عليكى جانى
بطلت أسأل عليكى
لكن مش نسيكى
عمرك ما حتبقى ذكرى
لإنك فى قلبى باقيه
ده انت النور إلى خلى
لحياتى ألف معنى
من يوم غبت عنى
ضاعت أحلامى منى
و حتى النوم خاصمنى
بطلت أسأل عليكى
لكن مش نسيكى
ازاى انسى عنيكى
و لا لمسة اديكى
و انا كل شئ فى عمرى
بيفكرنى بيكى
بطلت أسأل عليكى
لكن مش نسيكى
انا كل ليله بسأل
بسأل عنك النجوم
و اقول حييجى يوم
و تنسانا الهموم
و يرجعلى القمر
الى علمنى السهر
بطلت أسأل عليكى
لكن مش نسيكى
#أشعار كرم محمد
