مجروح .. وقابل جرحهُ فـ نص الليل
و كان سكران بيطّوح
فـ سأله الجرح جاى من فين
قاله عادى .. أنا مروح
فـ سابه الجرح يمشى يمـدْ
فضل ماشى يكلم نفسهُ مع نفسهُ
غريبه أنى ماليش ولا حدْ
مفيش غيره بيسهر جنبي طول الليل
بيسكر وقت ما بَسكر بنفس الكاس
و يزعل وقت ما بَزعل
و يضايق اذا جَـت سيرته وسط الناس
فـ رد الجرح بصوت عالى
وصوت الليل قوآم يسري يصحي الناس
شكيت حالك بكيـت والدمعتين عـّروك ؟
أديهم برضو مشيوا كلهم و سابـوك
بتمشى حزين فـ نص الليل
تزق الطوبه قدامك و تسبقها
تقوم ترجعلها تـانى تزحزحها
فـ يوم الطوبه دى هتتقــل
ولا هترجعلها تانى ولا هتتزق
هترفض يوم تكون لعبه
لِـ طفل إتبقي من روحك يقول فيك " لأء "
وكان عايش يقطع الجزم في اللعب
و كان عنده دولاب أحلام
مبعتر كل أحلامه كوام كوام
لقي إن الدور ترس في دنيـا عطلانه
مبتدورش ولا بتتــزق
فـ عاش مع طفل متبقي
بيقـدر في الحياه يزعق و يقول " لأء "
بيرجع كل يوم بـ الليل يلاقي الجرح
مستنيه فـى نفس الاوضه مبيمشيش
فـ كان لازم يموّت يوم بإيده الجرح
عشان يقدر ساعتها يعيـش ..!
القاسمى ♪
