يا طير يالي مسافر اسمع مني الكلام
يا بحر حبيبي هاجر من غير حتي سلام
يا طير بلغ حبيبي علي شوقي والغرام
دموعي تزيد لهيبي قولو والله حرام
شهد بحرك معاك وموجو يزيد نداك
خود مني اهاتي اهي ودموعي كمان معاك
وصلهم دول هديه قولو قربان هواك
خليه يجي في منامي يسكن بحور احلامي
شاهد عليك غرامي روح واسبق الايام
يا طير يالي مسافر روح واحكيلو الكلام
يا طير يالي مسافر
وحشتنينى ...
يا عشريه وبزيادة
يا احسن بنت رغايه
يا برايه .. لــ قلم الحب
و دوايا .. لـ لوجع القلب
يا مايه عذايه
بتسقينى فتروينى
يا اللى انتى .. مع زعلك
بيبدأ سيل دموع عينى
يا اجمل كلمه مكتوبه
على جبينى ...
يا شجاره خضرا
فى صحرا براح
فى عز الحر
ظلك بس يحمينى
كانك نار تنور بس
وطبعا برضو مبتحرقشى
لكن لما بكون بردان
مفيش غيرك يدفينى
انا حيران ..
فى بعدك اه .. انا حيران
وممكن اكون كمان تايه
ومش عارف طريف لفين
فى بعدك راح يودينى
انا عاشق ...
والعشق مش كلام يتقال
لكن احاسيس تحسيها
ولو انتى بجد خساها
فبلاش...
بلاش بسهم البعد ترمينى
وحشتينى
#خالد
النور والضى وسجَّانه
واقفين ع الباب
وأنا بين قضبان وبقفل
حديد مسجون وترفرف
روحى بدون جناحات
إنسان عن وعيه وغاب
مابين طريقين الأول
أمشى بدون عنوان
والتاني طريق للفضا
موصول ونهايته سحاب
وأنا كالعادة ماليش أختار
الجنة بعيدة بلمحها
وع الجنب النار فاتحة الابواب
المشهد يوجع والكادر
مليان أشباح وأنا بصرخ
ولا يطلع صوت ولا أى نواح
بحلم أصحى أفوق ألاقي
الدنيا زارها صباح
وألاقي كل دا أوهام
كانت أحلام والليل عدَّى
كابوس وانزاح
لكن الشبح الواقف متربط
متثبت فوق راسه سلاح
النور والضى مستني
أخرج له حى
وأنا ميِّت خاوي البنيان
وبطبطب على كتف الأيام
والعمر الجى
مقطوعة جدوره ومغروسة
ومزروعة فى رمل
عطشانة ودبلت أوراقي
وخريفي ظاهرمن بدري
بيعاكس الضى
أنا كنت زمان حلم مشروع
كان أحلى مافىَّ عيون بتطُّل
على الدنيا أنوار وشموع
كسرتني الدنيا بقساوتها
وملتني وجوع
المشهد ملياه الآه مرشوش
على كل أركانه دموع
ولا عادش رجوع
ويتبقى سؤال هل أنا من حقي
العيشة بجد اسمي مكتوب
عندكم انسان ؟ولاَّ دى أوهام
على صورة كدب وشىء ممنوع
من حقي أكون وأحلم بربيع
ع الدنيا يطل أو عمري ما أكون
مفروط العُقد من بدري
ومكتوب لي إني أعيش مخدوع
النوروالضى وسجانه فارقو الصورة
لكن الورقة بقت ممسوحة والمشهد
بقى مسرح فاضي واللقطة صبحت
ممسوخة وأنا لحظة وهنزل
الصورة صبحت مهزوزة وطُرق
ملوية ومعكوسة زنزانتي تاهت
عن عيني والسجن مبقاش يحلالي
والدنيا رفضاني,وبابعة ولا قابلة رجوع
النور ,,والضى,,وسجَّانه
برواز مكسور,,,بروازمكسور
ما أصعب أن نحيا كراماً
ويجينا الموت يلاقينا أموات
فيعود محسور
قصيدة (حلم مشروع)
#الشاعرة_رضاعبدالوهاب
في ناس قالولي يمكن حبيبك دي من خيالك .ووهم فاضي
"
لقيت عينيا فضلت تدمع ..وسرحت وحدي ..وقلت عادي
"
فضلت اضحك علي ذكري حلوة
"
ولقتني برضه .بقول دي ماضي
"
حبيبي دانا من يوم ما سبتك ..لقيت غرامي بيزيد سُهادي
"
وكل ما ابعد .او حتي أفكر ..بلاقي صورتك ديماً قصادي
"
.أزي عايزني أعيش لوحدي
"
..وأنت غرامك ساكن فؤادي
"
دانا قلبي حتي من يوم ما شفتك ....بقي حاله حال .....ومعدش راضي
"
حتي عيوني سهروا وسابوني ..والفكر ديماً يشعل حنيني ..ونار فؤادي
"
مين قسي قلبك خلاك تسبني ليالي وحدي ما بين ظنوني ولوعة بعادي
"
دانا بحبك
"
وبدوب في قُربك
"
.ونفسي أعيش العمر جنبك
"
ونفسي حبي كان يملا قلبك
"
..وإنّي الليالي تسابني أحبك
"
واحشني حتي وأنت قصادي
"
ياللي غرامك مش حب عادي
"
ولقيت عينيا فاجئة بتضحك ...علي كلمة منك ...كانت بتسعد غرام فؤادي
"
ولقتني بسرح وانا معاهم
"
وبقول لقلبي بلاش تنادي
"
لقيت مشاعري فيا بتصرخ بتقولي حاسبي ..دي مش قصادي
"
فضلت ابكي .....وقول ياربي ....معقول هيجي يطلب ودادي
"
لقيت رسوله جالي في خيالي ..لقتني بضحك ..عشان لاقيته طالب ميعادي
"
عينيا تضحك
"
وقلبي يرقص
"
والدنيا فاضيه
"
وانت قصادي
"
من النهاردي خلاص يا دنيا هانول مرادي
"
دانا قلبي دايب من الأمل ...وبحبه راضي
"
خلاص رسالتي وصلته ...والشوق جوابي
"
دأنا بحبه
"
دايبه في حُبه
"
...وقلبي ملكُه
"
.مالك وفاضي
قررت اشتري دماغي
واعمل نفسي تايهه
وانا حفظه السكه
وأقول معلش وحاضر
وانا بعمل كل العكس
من باب الزوق هتبسم
وانا جوا عيوني بغش
مطلوب امشي مع الركب
وأنا عايمه ضد التيار
رأي من عقلي ولاهرجع
عن حلم اتبني جوايا
طول ما الخطوه سليمه
هرمي ورا ضهري الي
يخش ف تفصيله
وموقف ف حياتي
مالهاش لازمه ولاتخص
حد غير قلبي وعقلي
ماانا عارفه السكه
الصح بس بكبر
وبداري ف عيوب
غيري ماتتعد
والكل عامل فيها والي
قبل اما تعيب وتحلل
اركن ع جمب وتعلالي
شوف عيبي وميزتي
قصادك من غير وش
ولا بغش ....
انا اقول للاعمي
ف وشه احسن
ماانافق واجامل
عجبك مش عجبك
انا كده كده
شاريه دماغي
ريموووووو
..........
مين يقول أزى قلبي
مين يقول ده يبقى حالي
أعشقك والحب ذنبي
أفرحك تجرح دلالي
حد قال العشق جرحى
حد قال وصف في جمالي
أندهك ترفض تلبى
المسك تبعد غرامي
مين يقول تجرح لي قلبي
مين يقول اعشق زماني
أعشقك والعشق حلمي
أعشقك والعشق غالى
حد قال كلمة تاخدنى
حد قال مخلوق عشانى
والغرام بقى حتة منى
والسؤال على طول ينادى
مين يقول أزى قلبي
مين يقول عشقك حلالي
طال الليل وطال هجرك
قلبي هواك ومستني قربك
يا ليل قرب بعده
خلى حبيبي يشتاق قربى
خلى نصيبي يشتاق حضني
يا ليل
نفسي أشوفه والمس ملامحه
نفسي أعيش عمري جنبه
نفسي يا شوق أقوله
غيابك عنى طال ليله
وحشتني عينيه وحشني حبه
يا ليل روح وقوله
كفاية خصام كفاية بعاد
خليه يجى نقرب المسافات
ونعيش العمر كله أحباب
ونجيب طفل صغير
عينيه زى عينيا
وشفايفه حلوة شقية
يا ليل بس خدني
وقلبه لما يشوفني
هايدوب بينا الخصام
ونعيش سوى في الحلال
يل ليل روح قوله
أنا السورى أنا عمران
أنا البسمة اتملت أحزان
أنا التائه بلا عنوان
أنا إللى دمى عليكم هان
.......
أنا رافض أعيش مذلول
ولو حتى هاعيش مشلول
لسان حقي باقي وبيقول
أنا باقي وفى كل مكان
.......
أنا باصرخ ورغم سكاتى
بادارى ألمى حابس دمعاتي
طفولتى ماتت جوه آهاتي
أنا واخوايا إللى مات غرقان
........
أنا السورى إللى هنت عليكم
أنا العربي إللى بين اراضيكم
غريب فى أرضي وبوصيكم
ما تنسوش طفل مات غرقان
وما تنسوش يا عرب ....عمران
-----------------------------
كلماتى /هدى دراز
24/8/2016
حبيبتي انتي عارفة
انا اد ايه عايزك
وماتقوليش خايفة
من حد محتاجلك
حد بيحبك اوي
نفسه يكون معاكي
عايز منك يرتوي
بيحلم ينول رضاكي
-
ماتسيبيش الغلطة تكبر
وتبقى اكتر من كده
مهما عيشتي مين هايقدر
يعشقك بالشكل ده
اغفريها لو غلطة مني
بلاش اشوف قلبك بايعني
اي حد يكون ظالمني
بس انتي ماتبعديش
إنسي اي شيء وجعنا
انهي فرقتنا وضياعنا
افتكري ليالي بتجمعنا
إديني فرصة اعيش
-
إرجعي جوايا حبك
بندهك يا ضي عيني
إسمعي مشتاق لحضنك
بحلفلك انتي وحشتيني
تعالي تبداء من جديد
إتعذبت وانتي بعيد
العناد مش راح يفيد
حرام تهون عشرتنا
سامحي قلب بيعشقك
تاه عشان بيودعك
حلم عمري ارجعك
ونتجمع في بيتنا
-
ماتقوليش خايفة وتقسي
حني عليا تاني
بحبك اكتر من نفسي
اشواقي قتلاني
وكأن اول امبارح بعيشو بكرة
وزى ورقة كوتشينة لونها حمرا
ايامنا متكررة وموش ملونة شعرة
عايشينها ابيض واسود والوان
بس الجديد فيها عمرة ما يبان
واليوم اللى فيها يجى وحش
يجي غيرة اوحش منة بزمان
ايامنا بقت ورقة فنتيجة
ويدوب تبص عليها وتقلب الورقة
والعمر بيعدى يوم ورا يوم
ولسا الفرح عمرة موش بيدوم
متسلسلين
متغمى عينينا موش فاهمين
على اية بنجرح واحنا كلنا رايحين
كلابيش من قوانين ومن حديد
واول امبارح كنا فهم وانهاردة مهمومين
وبيقولو لو داقت بكرا تفرج الكدابين
شكلنا مرفوعين من قايمة الفراحانين
امتا هيرفعوا اسمنا من قايمة الشقيانين
الشاعر يسري خليفة
انا مش دارس عروض
ولا اعرف الاوزان
لكن احساسى ليكى
طلع منى الكلام
خلانى صبحت شاعر
قلبى مليان مشاعر
بالحب والغرام
...........................
خايف عليكى وانتى
مش خايفه عليا ليه
سيبانى ابعد بعيد
واعيش فيكى وحيد
صعبان عليا حالك
وكل اللى جرالك
يا قبلة السلام
...........................
قلبى من كتر حبى
فيكى يا اغلى عندى
م للعالم واللى فيه
صعبان عليه ترابك
صعبان عليه شبابك
ومش عارف اعمل ايه
وتعبت من الكلام
...........................
احاسيس : سامى محمود حنفى
ناقصني كتير تعالى
أنا كل يوم في حالة
أصبر إزاي محالة
في غيابك قلبي شاب
اتحملت كتير عذاب
حلمت وحلمي خاب
بانتظرك ليل نهار
الكون مبقاش عمار
مفيش تاني اختيار
عيوني عليك بتبكي
لنجوم الليل بتشكي
تعالى نقول ونحكي
بقلمي عصام الباز
الجيلاني
وفي عز النوم يصحيني
وياخذني الشوق لعيونه
وادق علي باب قلبه اندهله
يسمعني
يلاقيني
ومن فرحه
يخطفني
وتهرب عيوني
لعيونه
وشفايف اللهفه
وخدوده الحمره
تاخدني معاها لوروده
تدوبني
واروح بعيد واتوه وانسي
ده لسه الشوق بشفايفوا
و باقي الشوق
يا جنونه
كلامي
سهيل الاستاذ
عدد زيارات الموقع
