شبعنا ألم و عذاب و مبايعة انسان
ولاد الارض والعز لأجلها ماتوا
مات الضمير الحي واستشهد الوجدان
صرنا يتامى طفال ل بترابها باتوا
دفنا الفرح والمجد بمدفن الاوطان
حكام باعوا الناس بجيوبها فاتوا
سرقوا خمير العيش والفرن والفران
باعوا الوفا بالدَين و المعجن بذاتو
امّات تبكي روح و الابن جيعان
مشرّد يتم القوت و الفزع حاطو
لا عاد بيتو الو ولا دفوة الاحضان
ضايع مرير العيش بردان جواتو
ياعقول يكفي جمود والقلب صوان
اخسرنا الارض والناس يبسان بنباتو
صوت العويل جنون بعقولنا رنان
عودوا لضمير الخير وبالوعي تعاطوا
رامز عيد
٢٥/٠٩/٢٠١٦
