،،،،،،،إضحكي،،،،،

نار غيابك يا حلوه انا مش ادها

وشمس فراقك حرقتني بحدها

كرمال هيك  رح اكتبلك رسالي

وبتمنى فيق الصبح ولاقي ردها

ولك على بعدك قلبي واقف قبالي

والعيون غير نور عيونك ما بدها

دخيلك طلي وارحمي فقر حالي

يا اميره استحى الورد من خدها

تعي ورافقي روحي كوني خيالي

بلاكي شو بتنفع الايام وكتر عدها

قربي كوني قمري خمري بالليالي

روحي مفارقيتني وغير حبك ما ردها

اصرخي قولي جاييتك بحسني ودلالي

جاييتك حوريه عم تتمايل بجمال قدها

اضحكي افرحي وقولي بيلبقلك جمالي

يا رفيق الروح ايدك لايدي يلا مدها،،،علي ناصر،،،،