قوليلي يامه ما تخبي
ابويا أراضيه فين ؟؟؟؟
قلتيلي إنه مسافر
وإنتظرته يامه سنين
شايفك يامه حزينة 
ودموعك ماليه العين 
خايفة يامه تقوليلي
إنى بقيت لطيم
وأبويا ما عاد راجع 
ومنه هاعيش محروم
محروم من عطفه يامه
وتلاحقني الهموم 
كنت فاكره مسافر 
وهايرجع تانى فى يوم 
كان قلبي بحسه جامد 
وعنيه ماليها النوم 
لكن دلوقتي يامه 
حسيت بطعم الدموع 
لا عاد أمل أشوفه 
ولا عاد أمل فى رجوع
**********************
شعر /هدى دراز 
28/8/2016