لو سئلت مره عني
هتلاقيني ف انتظارك
أشغل الأوقات بصورتك
وافتكر همسك كلامك
وان تعبت شويه أغمض
لأجل اشوفك في منامي
وان صحيت الصبح اقابلك
وانا لسه حاضنة صورتك
وأما أفكر لحظه اعاتبك
يا حبيبي عن غيابك
أجري وافتح جواباتك
كل كلمه أقرأها فيها
الدموع تسيل عليها
وأما أحب ادوب ف حبك
افتكر شوقك غرامك
لو سئلت مره عني
هتلاقيني ف انتظارك
شايله كله حاجه ليك
لأجل خاطرك أو عشانك
الكلام الحلو ليك
لهفتي وخوفي عليك
كل حاجه ف انتظارك
كل حاجه بتناديك
لو سئلت مره عني
هتلاقيني ف انتظارك
لأجل افرح يوم بقربك
زي ما فرحت بغرامك
والكلام الحلو منك
ف ابتسامتك أو حنانك
أو ف ضمة حضن منك
تروي شوقي و انتظارك
لو سئلت مره عني
هتلاقيني ف انتظارك
شايله كل الشوق لقلبك
والحنان كله عشانك
كلمات الشاعر / السيد علي القن
أعجبني
