الشاعرة الصغيرة لمياء السقا تحمل مشاعر رقيقة لابيها ارسلتها لنا في كلمات
#واحشني_ابويا
ليه سبتني 💔خلتني اعيش
لحظة الم مبتتنسيش 😔😔😔😔
فاكر يابويا ايام زمان
ايام ماكان بيك الامان
وانت الصاحب وانت الرفيق
وانت اللي وقت الشدة صديق
كنت ليا انت السند
طب فاكر كمان
خوف لامتحان
وطبطبة ايدك لكتفي
ولمعة و حنية عنيك
ولا قولتك متخافيش
سمي ربك متتسرعيش
ووقت ماتحلي السؤال اذكري المولي وقولي السلام
........................
ولا فاكر لمتنا وجمعتنا بشري زينه وفانوس بيتنا
ووقت ادان الفجرية وجمعت عيلتنا غ المغربيه
ويوم الجمعه ليا تقول يابنتي سورة الكهف نور
وفرحتنا بلبس العيد
وشري هدية بالعيديه
ولا العروسة فاكرها يابا
انا لسا شيلاها وف دولابي محوطاها
لصورة لينا ف الضهرية
كنت فيها ضامم ايديا
لتكون نسيت
حضنك ليا لما رجعت ف الضهرية
وعرفت اني عيت
...................
طب فاكر الشتوية
وشرب السحلب ف المغربيه
ودفا ايديك لمسكة ايديا
فاكرر يابويا
ولا روحت خلاص نسيت
كل دا فكرني بيك
فاكره حنانك فاكرة امانك فاكرة كل لمسة لايديك
دايما بدور عليك ف البيت
ف كل شبر وف كل خيط
انا فاكرة كل وعد ليا اخدته انت يابويا عليا
كان نفسي يابا تكون معايا ومتسبنيش
من يوم فراقك انا ف كابوس
بس يابويا اطمن عليا
انا اد وعدي وعهدي ليك
هكون تمام
دايما ليك مني سلام
وكل يوم ليك مني سلام بيني وبين المولي بالكلام
بدور دايما عليك ف لمتنا
يمكن فينا الاقيك وفيت
بحبك يابويا 😭????😭😭😭
#واحشني_يابا
