من فات قديمه تاه

عبدالحميدشومان

بداية وقبل أن أسطر مقالي لابد أن اعترف أن لدينا العديد من المشكلات ولكي نضع حلول لابد أن نعترف بالمشكلات ولا تتعالى عليها 
وكثيرا ما يكون حلول مشكلاتنا موجود وسهل وفي لحظات نرى الأمور تنعقد بسبب عدم الاعتراف..
دائمآ يكون حل أى مشكلة فى يبدا لأنه نقطة بداية مواجهة المشكلة
لذا وجب علينا أن نصارح انفسنا و نعترف اننا نواجه مشاكل فى حياتنا ومعظمها بيرجع لوجود بعض القناعات والسلوكيات والافكار والمعتقدات التي زرعت بداخلنا وتربينا عليها وشوفنا آباءنا و أجدادنا عايشيين بيها و ورثناها منهم واصبحت جزء لا يتجزأ مننا و للأسف بقيت تسري فى عروقنا و نخاف نقترب منها أو نغيرها أو نستبدلها تحت شعار ” من فات قديمه تاه” و فى الحقيقة انها مجرد كراكيب …نعم جميعنا بداخلنا كراكيب زى ما بنحتفظ فى بيوتنا بحاجات و أشياء كتيرة عشان مثلا لها ذكرى فى ماضينا أو لارتباطنا النفسى بيها أو لأنها بتمثل لنا عنصر آمان و بنخاف من المستقبل اللى ممكن يحوجنا فبنظن انها ممكن تنفعنا و ممكن نلاقى لها استعمال فى المستقبل
وبالبلدي كده بنخزنها وبنحتفظ بيها فى صندوق أو دولاب الكراكيب وايضا النفس البشرية بالظبط مثل بيوتنا فيها دواليب وصناديق مغلقة فيها حاجات كتير ملهاش لازمة …فيها كراكيب !
ليه نحتفظ بأفكار و معتقدات من الماضى ظنا منا انها صالحة لليوم والغد؟! فى حين انها بقت بالية مفيش مكان لها على أرض الواقع غير جوانا بس , و بنرفض قبول أو التعرف على غيرها حتى لو كان الأفضل
لو موافق اننا عندنا مشكلة , ولو قادر تعترف بيها يبقى انت قادر انك تعيد هيكلة نفسك , يبقى انت قادر تتخلص من كراكيب نفسك البشرية , يبقى انت هتقدر تتمرد على نفسك وتخلص من كل عديم فايدة جواك بعد ما كنت له أسير فى يوم من الأيام , يبقى انت كده هتفوت قديمك لكن مش هتوه بالعكس هتلاقى طريق جديد منور هتتهدى له
من الآخر كده أرجوك افتح صناديق عقلك وروحك وانفض منها الغبار وارمى منها أى كراكيب .