أحلى الحلوين

خَرطِك خراط أحلى الحلوين
مين زيّك .. مين
تُخطُرى ملايين يمشوا وراكى
واختارى براحتك حد أمين
وكبرتى بسرعه يا بنت الإيه ..
محتاره من إيه ..؟
طب إيه يستاهل تبكى عليه
وتشاورى تلاقى كتير جايين
لخبَطّك كلها طبيعية
حاجه عاديه
كل اللى فى سنك أشقيا
عارفين السكه لكن تايهين
يا جميله عشانك أغلى جميل
مش عايزه دليل
وفى حبك راحوا كتير وقليل
لو مش شهدا .. يبقوا مصابين
فنجانك قال أحلى الأخبار
والنظره خَضار
ويهاجروا كتير إلا الأشجار
حوالين الدفا والنور قاعدين
مولوده قصادى فى عز البرد
مش وقت الورد
رحمه من السما .. نزلت عـ الأرض
وسبوعك لف على الميادين
لميتى الناس وانتى بتحبى
خطى يا حبى
وياكى الخلق ترحب بى
أشرف جنسيه وأعظم دين
........................
موقعى الشخصى على الانترنت رابط
http://www.hossamelokdah.blogspot.com/

المصدر: الموقع الشخصى للشاعر حسام العقدة : http://hosamalan.blogspot.com/2011/09/blog-post.html
  • Currently 0/5 Stars.
  • 1 2 3 4 5
0 تصويتات / 78 مشاهدة

ساحة النقاش

عدد زيارات الموقع

6,650