خيال

لسه ما قالش ...

مزروع فى الأرض الصفره

يحرس كل الحَب

مصلوب ... جوه قميصه الممزوع

على كل القش وكل العصى وكل كلامه

عش العصافير جوه كمامه

ويموت م الحر ... يموت م البرد ... يموت م الجوع

وصفير الهوا ينده له

علشان ينزل ...

وفصول السنه تطرح نفس الطرحه

ما تعفرهوش !!

ولا يسمع صوت لجراد ممدود فى غيوم ما لهاش مطره

لو جرب يمشى ورا خطاويه ...

حيتوه ...

ويعيد م الأول

كل العلامات زائد ... زائد ... زائد

وخيال فى خيال

فارد دراعات تحضن طلقات الخردق

والسر ... البير ...

وتطير عصافير النار من زرعه لزرعه

ولحد الوقتى ...

لسه ما قالش ...
........................
موقعى الشخصى على الانترنت رابط
http://www.hossamelokdah.blogspot.com/