ماريونيت

شفتوش عروسه خشب ... هيَّه رايحه وجايَّه
تلعب على المسرح ليّه تحكى روايات
وهيَّه ماشيه على المسرح ملهاش مطرح
لا عارفه تحزن أو تفرح وفى أنهى ساعات
خمس فتل بيها تتحرك إوعى تغرك
لو شفتها مش ها تسرك جواها حاجات
وبرضه ترقص وتغنى عنه وعنى
ووراها بالألف مغنى وبأحلى لغات
بتقول ولكن مش صوتها ... ولا ضحكتها
لكن تحرك شفتها على دى الأصوات
بس العروسه بتتألم ما بتتكلم
مش راضيه ليه بقه تتعلم من كل ما فات
مهما الصوابع تتغير ما بتتغير
ويخترولها ما تتخير حتى الحركات
والكل قاعد يتفرج أو بيهرج
على قماشها المتسرج فتلات فتلات
أحلى الكلام ما نقولهوشى ... أصله ما لوشى
وان قولنا ليه ما يلحظوشى
... والتعلب فات .
..........................................................
موقعى الشخصى على الانترنت رابط
http://www.hossamelokdah.blogspot.com/

المصدر: الموقع الشخصى للشاعر حسام العقدة :http://hosaam2.blogspot.com/2010/10/blog-post_2296.html
  • Currently 0/5 Stars.
  • 1 2 3 4 5
0 تصويتات / 56 مشاهدة

ساحة النقاش

عدد زيارات الموقع

6,642