مسروقه من عينى

مسروقه من عينى حكايات
محفوره فى جبينى الآهات
شاريك وبتبيعى
عاشقك وبتضيعى
يا مشرده ضلوعى
قاتلنى جوايا اللى فات
****
ألاقى فين كل اللى ضاع
وساب لى ليلك والوداع
عطشان يا بحر ملوش صديق
محدوف على شطك غريق
مين اللى خان ... مين البرىء
متلخبط الصوت فى السكات
****
من تانى بتعيد السؤال
يا قلب صعب الاحتمال
بحلم على سدرِك
أدَّارى من غدرك
إمتى يريد أمرك
مستنى فيه بصحى وبات
****
ممسوخه يا وشوش البشر
كدابه يا نجوم القمر
زى الشجر مطروح وحيد
مستنى ييجى خريف جديد
ضايعه ف بكاه ضحك الوليد
مرويَّه بعنيه الساعات .
..........................................................
موقعى الشخصى على الانترنت رابط
http://www.hossamelokdah.blogspot.com/