يربّح الله
 
يربّح الله ... الله يربح
 
وحوشوا عينكو ... لا العين بتفضح
 
****
 
أنا اللى شارى ... طرح الجنانى
 
ولما فتَّح
 
رايحين تبيعوا ... لحد تانى
 
الله يربح
 
****
 
حارجع وادوَّر ... على عمر أخضر
 
بين الأراضى
 
يكون مقدَّر ... يبيع ويخسر
 
وهو راضى
 
ويسامح الله ... والله يربح
 
وحوشوا عينكو ... لا العين بتفضح
 
****
 
تكون فى إيدك ... وفوق جبينك
 
شىء تانى خالص
 
والبيعه ديه ... ما كنتش ليه
 
أنا كنت حاسس
 
ويعوض الله ... والله يربح
 
وحوشوا عينكو ... لا العين بتفضح
 
****
 
مش كنتوا غبتوا ... والقلب سبتوه
 
يدور يدوَّر
 
إيه اللى جابكو ولإيه عنيكو
 
ترجع تشوَّر
 
طب يفتح الله ... والله يربح
 
وحوشوا عينكو ... لا العين بتفضح ......................................................
موقعى الشخصى على الانترنت رابط
http://www.hossamelokdah.blogspot.com/