تسأل نفسك ليه خدعونا ؟؟؟؟
*******************
لما تلاقى الناس تتخفى وسط تياب التوب والعفة ويبكونا
لما دموعهم تنزل موج على أحزانا وصوت أشجنا ويعزونا
لما الفرح يبان فى وشوشهم لما يسابقوا لينا زمنهم ويهنونا
لما الدنيا تصبح نار لما العتمة تبقى حصار نلقى إيديهم بيساندونا
لما قلوبنا تأسى عليهم لما نزيد الشوك فى إيديهم وبيتفقوا ويصالحونا
لما العيشة تبقى مرار لما الحيرة تبقى قرارتلقى عيونهم بيساعدونا
لما يعدى زمان ويدور وبيكشف كل المستور تلاقهم عايزين يبيعونا
لما سواد القلب يبان لما الدم يكون بُركان وبأفكارهم بيسمونا
لما الدنيا تصبح غابه لما حياتنا تبقى كآبه وبأوهامهم بيغطونا
فجأة تلاقى عقلك حاير تسأل نفسك ليه خدعونا
ليه فى قلوبهم غدر وهجر ليه من بين الناس خنقونا
ليه بإيدهم جمره نار حرقوا قلوبنا وليه ظلمونا
محمد سالم
