أنا مخرج لآحلامك
محمد ضباشه
هجيلك علم .. هجيلك حلم
هكون فى يوم واقف وقدامك
واشوف القصة فى عيونك
وأكون مخرج لأفلامك
وهصور بالعيون كدبك
وأرتب كل ايامك
واقول خانت وباعتنى
ويارتنى كنت فى أحلامك
وياريتك فهمتى فى يوم حبى
وبعدتى عنى أوهامك
خلاص أنا لملمت بقيايا
ودوست على كل خدامك
--
هجيلك علم .. وهقولك
ليه بالكدب بعتينى ؟
واسمك محفور على قلبى
وقلبك باع وناسينى
ونسيتى سنين عمرى
وكان قلبى مخلينى
أدوق منك عذاب الشوق
واقول بكرا راح تجينى
أدوق منك مرار الهجر
واقول ياقلبى عدينى
لدرب حب يعشقنى
ولحضن معاه يهنينى
واقول معقول ومش معقول
أكيد بكرا يورينى
وجه بكرا وبعد الضهر
وياريت أنتى تصارحينى
--
هجيلك حلم .. فى منامك
وياريته حلم هنا وسرور
شوفت على الحيطان صوره
للى فى القلب جه على طول
وصورتى على الأرض مرمية
وياريتها كان عليها نور
فى عتمة وركن منسية
بتقول لك مين عليه الدور
وأنت نايمة ولا همك
ولا يهمك ابات مقهور
على حب راح ومن خبتى
لقيت أرض هواها بور
--
وهرجع تانى واشوفك حلم
وأكون مخرج لأفلامك
وهصور بالعيون كدبك
وأدوس على كل خدامك
