وعيت أنا لنفسى
الدنيا وخدانى
فك من عود قصب
دفستنى فى طينها
زرعتنى فـ غيطانها
سمادى فـ دموعها
بهمومها تروينى
كبرت قدامها
لعبت فى زمامها
بقيت أنا عودها
وعدتنى بوعودها
أبقى أنا كبيرها
وقدام شهودها
وفـ عز أيامى
راودتها أفكارها 
تحقق مكاسبها
من عود القصب 
خلعتنى من أرضى
وانكشف لها عرضى
وبدال ما تسترنى
باعتنى فى سوقها
بأبخس الأتمان
وأهى دنيا بتمصنى
كم فك فى عودها
هين على اسنانها
وبعد ما تشبع
على طول دراعها
فى سكتها ترمينى
****