جارى التحميل
استخدم زر ESC أو رجوع للعودة
صبح على مصر بجنيه
يا أخي ( أحيه)
أعذروني ياساده
مش هقدر اصبح عليها
ماهى لو من الاول
( صبحت )
كنت من دمي اديها
أفكركم ولا تفكروني
عمري تلاتين
لا تعليم أتعلمت
ولا فتحت كتاب الدين
من اول مافهمت
قالوا ألحق هات لينا رغفين
واوعى للجامع تقرب
ولا تصلي ركعتين
سااااااا مع
أحنا مش ناقصين
أمشى جنب الحيط
لاتبص شمال ولايمين
أفكركم ولا تفكروني
َوقفت ف طابور الغش
ناس ولا تسوا قرش
يخافوا من كل صاحب كرش
يشخط فيهم ويكش
ويضرب ويعلم ع الوش
وأكمني نحيف ودخلي جدا محدود
مش طايل الرغيف ولا المش بدود
قالوا سافر يمكن يكون
لك ف السفر نصيب
قولت وماله مش عيب
وكأني مكتوب ع وشي غريب
الكل عليا يشاور ويعايب
يامصري ياموسخ
يأبو لباس دايب
شو جابك لأرضنا ودنيتنا
تاكل زرعتنا وخبزتنا
وأنا منهم أدارى وأتخبا
وأقول أنا اللى استاهل
خليني أتربى.............
فارش من الحصى حصير
أصل بلدنا بيدروها حمير
وزير العمل ع الكرسي غفلان
وأنا نايم وسط الجبل عرياااان
شارب من المر ألواااااااااااان
ويطلع يقول ولادنا
ف الخارج جدعان
بيجيبوا العملة الصعبة
والدنيا معاهم لاعبة كمان
أفكركم ولاتفكروني
مش انتوا اللى علمتونا
إن اللى يبيع كرامته
مايبقاش إنسان
ليه تمدوا اديكم
وتشمتوا فينا العربان
المصري ف بلده وبراها متهان
والغريب ف بلدنا متصان
بلد ماشيه بالمقلوب
الضعيف فيها حقه مسلوب
مليانه خير لكنه منهوب
الفقير عليها مش محسوب
وتقولي صبح بجنيه
يا أخي (أحيه)
بآلمي قبل قلمي /
أحمد محمد
ساحة النقاش